Sto aspettanno 'a sette, ott'ore
fermo ca a Salsomaggiore.

Me credite? I nun so fess
si 'nce credo a sti prumess.

M'anno ditto, so sicuro :
paisà, primma ' e stasera
o co camion o ca curriera
vene Ciccio 'o farenella
cu duje chile e muzzarella

Manno ditto, so sicuro:
poi nel primo pomeriggio
spuntarrà da dint'o griggio
Pascalino 'o musce e buono
ca sorpresa...' o capitone.

M'anno ditto, so sicuro
nun te movere da là
vene Lello co babà
'nsieme a Peppe Donnarumma
ca cassat e ca seccumma.

M'anno ditto, so sicuro:
nun n'ce po manca 'o surrise!
Falanghina? Fuglianise?
N'ce starranno mustacciuole
roccocò e raffaiuole
tricche tracche e botte a muro,

M'anno ditto, so sicuro!

Ma...mo è quase mezanotte
sto diune, senza 'e botte
capitone, muzzarella
puparuole int' a tiella...
nun s'è vist proprio nient
manco 'a scorza 'e na semment.

Sto sunnanno ' a stammatina
...e che sanghe da marina!